-Eldrabyrðan er økt nógv í Føroyum síðstu 20 árini, men í Klaksvík er eldrabyrðan økt nógv meiri enn í restini av landinum, soleiðis siga fyrireikararnir av tiltakið, sum verður í Klaksvík í kvøld um sama evni Í 1990 vóru 6,2 íbúgvar í Klaksvík í arbeiðsførum aldri (18-66 ár)
fyri hvønn íbúgva í pensjónsaldri (67 ár og eldri), samstundis vóru tað í
øllum landinum 6,0 íbúgvar í arbeiðsførum aldri fyri hvønn íbúgva í
pensjónsaldri.
Í 2010 vóru einans 4,4 íbúgvar í arbeiðsførum aldri fyri hvønn íbúgva í
pensjónsaldri í Klaksvík, meðan tað í øllum landinum vóru 4,9 íbúgvar í
arbeiðsførum aldri í mun tilhvønn íbúgva í pensjónsaldri. Í 2010 búðu 5%
færri fólk í Klaksvík enn í 1990, men samansetingin av aldursbólkum í
Klaksvík er sera nógv broytt hesi 20 árini.
Talið av íbúgvum í pensjónsaldri er økt 33%, meðan talið av íbúgvum í arbeiðsførum aldri er minkað 7%.
Johnny í Grótinum, Íløguleiðari í BankNordik, fer, við støði í hesum
hagtølum, at greiða frá tørvinum á tillagingum í pensjóns- viðurskiftunum,
bæði í føroyska samfelagnum við komandi pensjónsnýskipanini og hjá
einstaklinginum við at tilrættisleggja sína egnu pensjónstilveru.
Tiltakið verður í kvøld í Skúlanum við Ósánna kl.19.30
