Danska Ekstra Bladeetg skrivar, at dómstólurin metti, at Teitur Skoubo hevði sligið ein annan mann undir einum bardaga uttan fyri LA Bar í Keypmannahavn í juli í fjør. Kortini varð fall revsingin burtur, tí dómarin metti, at talan var um eitt slagsmál, har báðir partar vóru uppi í. Tað skrivar Ekstra Bladet.
Ein 19 ára gamal maður, sum eisini hevði viðgingið at hava sligið Teit Skoubo, slapp somuleiðis undan revsing. Ein 20 ára gamal maður varð fríkendur.
Málið snúði seg um eina hending uttan fyri LA Bar, har ósemja stóðst millum Teitur Skoubo og tveir ungir menn. Ákæruvaldið helt upp á, at menninir høvdu framt grovan harðskap móti reality-stjørnuni, meðan Teitur sjálvur var ákærdur fyri vanligan harðskap.
Dómstólurin fann tó ikki prógv fyri, at talan hevði verið um grovan harðskap. Í staðin varð staðfest, at talan var um eitt slagsmál, og við heimild í revsilógini varð fall revsingin hjá teimum burtur, sum vórðu funnin sekir.
Teitur Skoubo er kendur frá sendingum sum Paradise Hotel og Singletown. Hann varð í 2023 dømdur fyri harðskap í eini aðrari nógv umrøddari sak.
