Í farnu viku sýndi Bústaðir fram nýggju íbúðirnar á Kneysum á Toftum. Talan er um 10 leiguíbúðir og átta lutaíbúðir.
- Tørvurin at fáa íbúð er sum kunnugt sera stórur. Mong vóru tey, sum vildu síggja snotuligu íbúðirnar. Bústaðir gevur nú teimum boð, sum fáa møguleika at búgva her.
Í Nes kommunu siga tey, at tey fyrstu helst flyta inn í íbúðirnar hin 1. apríl.
- Vit hava undir leiðslu av Teknistovuni í Gøtu staðið fyri at gera økið byggibúgvið fyri Bústaðir, meðan KBH hevur bygt íbúðarlonirnar, verður lagt aftrat.
