Ein dystur verður í dag, og í morgin vera hinir fýra spældir. So verður fyrsti triðingur liðugur av ársins landskapping í fótbólti.
Klokkan 17.30 verður fyrsta bríksl við Løkina í Runavík, har NSÍ fær vitjan av 07 Vestur.
NSÍ er á triðja plássi við 16 stigum, og 07 Vestur er á áttanda plássi við seks stigum.
Síðani 07 Vestur sá dagsins ljós, hevur felagsliðið verið seks ferðir í Runavík og roynt seg, og vágamenn eiga framvegis til góða at vinna fyrsta stigið vestur aftur við sær.
Tættast við vóru teir í 2009, tá ið heimaliðið vann seinna dystir 1-0, og í 2013, tá ið heimaliðið vann 2-1, og størstu tapini higartil hava verið í 2009, tá ið heimaliðið vann fyrra dystin 9-0 og í 2018, tá ið heimaliðið vann seinna dystin 7-1.
Hjá 07 Vestur er Tór-Ingar Akselsen framvegis skaddur í økslini. Hjá NSÍ eru Búi Egilsson (vøddaskaði) og Jørgen Nielsen (beklað fótin) ikki tøkir.
NSÍ – 07 Vestur: Aron Sofus Vest kl. 17.30.
| KÍ | 8 | 7 | 1 | 0 | 27 | 4 | 22 |
| HB | 8 | 5 | 2 | 1 | 28 | 7 | 17 |
| NSÍ | 8 | 5 | 1 | 2 | 18 | 11 | 16 |
| Víkingur | 8 | 4 | 3 | 1 | 16 | 7 | 15 |
| B36 | 8 | 3 | 4 | 1 | 13 | 8 | 13 |
| EB/Streymur | 8 | 2 | 2 | 4 | 8 | 15 | 8 |
| ÍF | 8 | 2 | 2 | 4 | 12 | 21 | 8 |
| 07 Vestur | 8 | 2 | 0 | 6 | 11 | 28 | 6 |
| B68 | 8 | 1 | 2 | 5 | 10 | 21 | 5 |
| TB | 8 | 0 | 1 | 7 | 5 | 26 | 1 |
