Tríggir dystir í bestu kvinnudeildini í fótbólti verða spældir í dag. Tveir teirra vera í Gundadali: HB eigur heimavøll ímóti B68, og B36 eigur heimavøll ímóti ÍF/Víkingi.
Einasti dysturin á bygd er tann í Klaksvík, har KÍ á middegi fær vitjan av EBS/Skála.
Hetta eru liðini, sum kappast um at vinna FM. Eftir ellivu umfør hava bæði liðini 31 stig. KÍ er oddalið, tí málmunurin hjá teimum í Klaksvík er +53, meðan hann hjá teimum í EBS/Skála er +35.
Hóskvøldið eydnaðist tað KÍ við 2-1 sigri í Streymnesi at vinna seg í steypafinaluna.
Tá ið liðini 24. apríl hittust í landskappingardysti við Margáir, var úrslitið 3-3.
Tað eru fýra innanhýsis uppgerðir í landskappingini hjá kvinnum. 17. august spæla EBS/Skála og KÍ aftur við Margáir, og í síðsta umfari – leygardagin 8. oktober – verður síðsta innanhýsis uppgerðin millum toppliðini í Klaksvík.
KÍ-EBS/Skála: Arni Rasmussen kl. 12.30
HB-B68: Stephan Petursson kl. 12.30
B36-ÍF/Víkingur: Ottar í Funningsstovu kl. 14.00
Støðan undan tólvta umfari
KÍ 31 +53
EBS/Skála 31 +35
ÍF/Víkingur 13
B36 12
HB 9
B68 1
