AB boðar í kvøld frá, at felagið hevur fingið tveir nýggjar málmenn.
– Á málmanspostinum eru vit nú væl stillað, tí AB hevur gjørt sáttmála við málmenninar Bjarta Vitalis Mørk og Silas Eyðsteinsson, sum sostatt vera at síggja millum málstengurnar í Betrideildini og 1. deild hjá AB komandi ár, skrivar AB.
Bjarti er 18 ára gamal og kemur úr HB. Hann hevur eisini spælt á U15, U17 og U19 landsliðunum.
##med2##
Silas er 21 ára gamal og kemur úr 07 Vestur. Hann hevur eisini spælt á U17 og U19 landsliðnum.
– Umframt hesar báðar málmenninar er góði gamli málmaðurin hjá AB, Heðin Stenberg, framvegis partur av hópinum. Heðin var tíverri skaddur meginpartin av farna kappingarári, men er komin fyri seg aftur og verður klárur til komandi ár, skrivar AB.
Á myndunum er tað forkvinnan hjá AB, Doris V. Rasmussen, sum ynskir Bjarta (ovast) og Silas (niðast) vælkomnun til AB.
