Ukrainskir menn í aldrinum 18 til 22 ár sleppa úr landinum hóast hernaðarligu undantaksstøðuna í landinum.
Tað segði ukrainski forsætisráðfrúan, Julia Svyrydenko, í einum uppslagi á Telegram í dag.
Síðani Russland byrjaði at herja á Ukraina í 2022, hava ukrainskir menn í aldrinum 18 til 60 ár noyðst at fáa loyvi at fara úr Ukraina.
Men nú er lóggávan slakað fyri at tryggja, at Ukraina hevur nóg nógvar hermenn.
Túsundtals menn royna á hvørjum ári at flýggja ólógliga úr landinum, onkuntíð umvegis váðafullar leiðir tvørtur um landamørk.
- Stjórnin hevur dagført sínar mannagongdir fyri at fara um landamørk, sigur ukrainska forsætisráðfrúan, Yulia Svyrydenko.
- Menn í aldrinum 18 til 22 ár kunnu óhindraðir fara yvir um markið undir hernaðarlógini.
Sambært forsætisráðfrúuni snýr avgerðin seg um allar borgarar í tí aldursbólkinum.
Tað er eisini galdandi fyri ukrainarar, sum eru í øðrum londum. Tey kunnu nú venda aftur til Ukraina aftur og síðani fara av landinum aftur, um tey ynskja tað.
- Vit ynskja, at ukrainarar í størst møguligan mun varðveita sambandið við Ukraina, sigur Svyrydenko.
Í Ukraina verða menn í aldrinum 18 til 22 ár ikki kallaðir til hertænastu. Í løtuni er minsti aldur á 25 ár, eftir at aldursmarkið varð lækkað í fjør.
Ukrainski herurin hevur roynt at fingið sjálvboðin undir 25 ár at fara í herin við fíggjarligum eggjandi tiltøkum. Men tað hevur ikki eydnast at røkka málunum hjá Ukraina fyri at fáa fólk inn í herin.
Sambært tølum frá ST búgva 5,6 milliónir ukrainarar uttan fyri landið. Tey flestu eru í evropeiskum londum.
Tað var í februar 2022, at Russland gjørdi innrás í Ukraina.
/Ritzau/AFP
