Ætlanin er at gera skipið soleiðis, at tað kann brúkast til mong ymisk endamál - útferðir, undirvísing av næmingum, ráðstevnur og longri túrar til grannalond okkara. Og sum skilst er ætlanin eisini at fáa í lag samstarv við SALT-verkætlanina.
Fyrireikararnir siga við Suðuroyarportalin, at verkætlanin fer at vara í eini 2-3 ár, og kostnaðurin um einar 5 mió krónur.
Skipið eitur Kúrberg, men fær helst eitt annað navn, ið hevur tilknýti til oynna.
EIN EFTIR
Flestu av gomlu træskipunum eru burtur. Eitt teirra er tó eftir - Kúrberg - ið nú skal aftur til heiður og æru. Fríggjakvøldið verður fundur á Seglhúsloftinum á Tvøroyri um ætlanina
