Løgreglan kannar framvegis eldin í einum sethúsum í J. C. Svabosgøtu í Hornabø í Havn sunnukvøldið.
Tað var stutt eftir klokkan hálvgum níggju á kvøldi, at fráboðan kom um eldin. Og eftir stuttari løtu hevði eldurin breitt seg um øll húsini. Tað tók drúgva tíð hjá sløkkiliðnum at fáa tamarhald á eldinum, men lukkutíð sluppu øll fólkini úr húsinum í øllum góðum.
Lesið eisini: Myndir: Eldur í sethúsum í Hornabø
Vaktleiðarin á politistøðini sigur, at brandteknikari hjá politinum í Føroyum hevur kannað eldin, men enn er ikki greitt, um kanningarnar hava givið nóg mikið. Tí verður umhugsað, um tey skulu hava serfrøðingar frá politinum í Danmark at kanna málið.
##med2##
