Síðan nýggja bygdarráðið tók við, hevur verið arbeitt við at broyta stýrisskipanina fyri Vestmanna bygdarráð. Avgerðin fevnir um at umskipa bygdaráðsnevndirnar frá at vera fimm nevndir til fýra nevndir.
- Broytingarnar eru í høvuðsheitum, at mentarnarnevndin og trivnaðar- og umhvørvisnevndin eru lagdar saman í eina nevnd, sum nú eitur trivnaðarnevndin.
Í Vestmanna kommunu siga tey, at umhvørvisøkið í trivnaðar- og umhvørvisnevndini er beint í teknisku nevnd, og havnarnevndin eitur nú vinnu- og havnarnevndin og hevur fingið ferðavinnu aftrat sínum málsøkjum.
Ferðavinna var frammanundan í mentarnarnevndini.
– Vit hava valt at broyta stýrisskipanina fyri at hava greiðari málsøkjabýti í hvørjari nevnd, og á hendan hátt verður arbeiðsbyrðan hjá nevndunum eisini javnari, umframt at vit spara eina nevnd burtur.
Tað sigur Sára Jógvansdóttir, borgarstjóri í Vestmanna kommunu.
Tær førstu bygdarráðsnevndirnar eru nú hesar - og við hesum limum:
Fíggjarnevndin: Sára Jógvansdóttir, Símin Jákup Højsted og Karl A. Olsen (varalimur: Anja Haldansen).
Tekniska nevnd: Símin Jákup Højsted, Pauli Magnussen og Janus Atli Jensen (varalimur: Jákup S. Jóanesarson).
Trivnaðarnevndin: Anja Haldansen, Pauli Magnussen og Jákup S. Jóanesarson (varalimur: Karl A. Olsen).
Vinnu- og havnarnevndin: Karl A. Olsen, Anja Haldansen og Jákup S. Jóanesarson (varalimur: Janus Atli Jensen).
