USA hevur sambært Reuters lagt fram eitt nýtt uppskot um vápnahvíld millum Ísrael og Hamas í Gazageiranum.
Í uppskotinum, sum tíðindastovan sigur seg hava fingið innlit í, verður skotið upp, at ein vápnahvíld verður millum stríðandi partarnar í 60 dagar.
Lagt verður eisini upp til, at 28 deyðir og livandi ísraelskir gíslar verður leysgivnir og leyslatnir fyrstu vikuna av vápnahvíldini.
Hetta verður sambært Reuters gjørt í býti við 125 lívstíðardømdar palestinskar fangar, umframt líkini av 180 deyðum palestinum.
Í vápnahvíldaravtaluni er eisini, at neyðhjálp verður veitt Gazageiranum so skjótt, sum Hamas hevur skrivað undir avtaluna.
