Skráin fyri mentanarnáttina á Tvøroyri, sum verður fríggjadagin hin 27. mai, er nú tøk, talgild.
- Nógv verður gjørt burtur úr degnum, siga tey í Tvøroyrar kommunu.
Á skránni eru alskyns tiltøk, eitt nú tónleikur, framløgur, framsýningar, list, matur, barnatiltøk og mangt annað.
Í næstu viku verður skráin eisini borin út til øll húsarhald í Suðuroynni, og hon kemur eisini at liggja frammi á almennum støðum í oynni.
Mentanarnáttin hevur ment seg fyri hvørt ár seinastu mongu árini og er nú vorðin ein dagur, ið ikki einans savnar suðuroyingar.
- Her kemur eisini vitjan úr øðrum oyggjum í Føroyum.
Í Tvøroyrar kommunu siga tey, at á mentanarnáttini fer ymiskt at henda í hvørjum horni í miðbýnum, sum tey taka til.
- Øll eru hjartaliga vælkomin á mentanarnátt á Tvøroyri, verður lagt aftrat.
Skráin fyri mentanarnáttina á Tvøroyri kann lesast digitalt um heimasíðuna - www.tvk.fo
