FSF skrivar:
- Føroyska kvinnulandsliðið leggur í løtuni seinastu hond á fyrireikingarnar til UEFA Nations League dystin ímóti Moldova, sum verður á Zimbru Stadion í Chisinau í morgin, fríggjadagin klokkan 18:00. Dysturin verður stroymdur á KvF.fo
– Vit hava fyrireikað okkum upp á eitt sindur av hvørjum, men vit vænta ein javnan dyst. Tað sigur landsliðsvenjarin hjá kvinnum, Pætur Smith Clementsen millum annað í samrøðu við FSF Varpið undan UEFA Nations League dystinum móti Moldova.
Føroyski hópurin kom til moldoviska høvuðsstaðin Chisinau seinnapartin týsdagin, og síðani hava tríggjar venjingar verið á skránni.
Og hóast eina drúgva ferð, so eru allar væl fyri, og vónandi verður úrslitið av dystinum í apríl mánað endurtikið, tá Føroyar vunnu 2-0 á Moldova á Tórsvølli.
Dysturin millum Moldova og Føroyar verður stroymdur á kvf.fo. Veljið “sjón” og síðani KVF 2. Skrivar FSF.
HER ber til at síggja og hoyra samrøðuna FSF-Varpið hevur gjørt við Pætur S. Clementsen undan dystinum móti Moldova:
##med2##
