Víkingur vann í Klaksvík

Víkingur vann í dag 1-0 á útivølli ímóti KÍ. Málið skoraði Fannhard Skoradal, tá ið ein tími var farin. Hetta var tíggjunda málið hjá Fannhardi Skoradal á næstbesta liðnum hjá Víkingi í ár.

KÍ hevði nógv fleiri royndir á málið hjá Víkingi, enn gestirnir høvdu á málið hjá KÍ. Men tað eydnaðist ikki KÍ at fáa bóltin í málið. Í málinum hjá Víkingi í dag var Berint Andreassen. Hetta var fyrsta ferðin í ár, at 29 ára gamli Berint vardi málið í næstbestu deildini, og tað var eingin ivi um, at hann var dagsins maður.

Víkingur er á triðja plássi við 49 stigum. Tað eru tvey stig fram til TB og seks stig fram til ÍF. Víkingur er trý stig frammanfyri B71. Tað eru hesi fýra, sum kappast um heiðursmerkjaplássini.

At KÍ tapti í dag ber við sær, at KÍ ikki hevur møguleika at røkka heiðursmerkjum. KÍ er á fimta plássi við 40 stigum – eitt stig frammanfyri Undrið FF.

-

KÍ – Víkingur 0-1 (0-0)

0-1: Fannhard Skoradal 60.

-

ÍF – Undrið FF 4-0 (3-0)

1-0: Karl Løkin 9.

2-0: Gundur E. Petersen 18.

3-0: Karl Løkin 30.

4-0: sjálvmál 70.

-

NSÍ – B36 1-3 (1-1)

1-0: Yehor Korytskyi 19.

1-1: Ingi Arge br 27.

1-2: Rói Vilhelm Fossabrúgv 67.

1-3: Mattias J. Hellisdal 90.

-

HB – 07 Vestur 0-1 (0-0)

0-1: Brandur Heinesen 71.

-

B71 – TB 1-0 (1-0)

1-0: Kristian Krog Hentze 3.

-

-

Máltindurin

-

26. umfar

Leygardagin 15. oktober

KÍ – B36

Víkingur – HB

07 Vestur – NSÍ

B71 – Undrið FF

TB – ÍF