Heðin Askham og Bill Jacobsen, venjarar hjá U-21 landsliðnum, og ungu menninir, sum klokkan 17.00 skulu á vøllin í Aalborg, eru nú á Energi Nord Arena, har fyrsta bríkslið í landsdystinum millum Danmark og Føroyar verður klokkan 17. Tað er møguleiki at síggja dystin á TV2 Sport.
Teir ellivu, sum fara at standa rætt inni á vøllinum, tá ið tjóðsangirnir verða spældir á heimavøllinum hjá superligu felagnum AaB, eru: Teitur Gestson, HB René S. Joensen, Brøndby IF, Viljormur Davidsen, FC Fyn, Erling Jacobsen, Víkingur, Høgni Eysturoy, B36 Klæmint A. Olsen, NSÍ, Róaldur Jacobsen, B36, Hallur Hansson, HB, Heini Vatnsdal, FC Suðuroy, Gilli Sørensen, TB Jóan Símun Edmundsson, Newcastle.
Fyrr í dag varð greitt, at liðformaðurin Rógvi Holm er leikbannaður. Tí var neyðugt at umskipa miðverjuna, og Viljormur Davidsen, sum var ætlaður vongverjaplássið í vinstru, er nú í miðverjuni saman við Erling Jacobsen. Stóri og stinni Heini Vatnsdal, sum onkra ferðina hevur verið í miðverjuni, er hesa ferð á miðvøllinum.
Á beinkinum sita Hans Jørgensen, 07 Vestur, Sørmundur Kalsø, KÍ, Karl Løkin, ÍF, André Olsen, B68, Dánjal á Lakjuni, ÍF, Gunnar Zachariasen, AB Danmark, og Páll Klettskarð, ÍF.
Saman við Rógva Holm verður Kaj Leo í Bartalsstovu millum áskoðararnar.
