Hvussu ber tað til, at vit enn vassa í fosturtøkumálinum?
Miðlarnir fáa nærum ikki orðið á eitt valevni uttan at spyrja um fosturtøkumálið.
Ein flokkur fer upp á val upp á næstan bara tað málið.
Ein áhugabólkur skrivaði eisini til mín og spurdi, um eg eri fyri ella ímóti, tí tey ætla at leggja eitt yvirlit út beint áðrenn valdagin.
Men málið er samtykt.
Fráfarandi samgonga vassaði eisini í hesum málinum í trý ár. Av tí sama datt nógv annað niður fyri – mál, sum kundu gjørt tað betri fyri føroyingar.
Nú standa vit her við somu avbjóðingum, sum vit høvdu síðsta valstríð. Samstundis eru fleiri nýggjar avbjóðingar komnar omaná.
Tí má eg spyrja:
Skulu vit brúka tey næstu fýra árini upp á fosturtøkumálið?
Skulu vit eisini rulla øll onnur mál aftur, sum vit eru ósamd við?
Ella skulu vit arbeiða fyri at loysa tær avbjóðingarnar og betra um umstøðurnar hjá føroyingum?
Eg haldi, at Føroyar hava brúk fyri, at vit flyta okkum víðari!
X við Árna Klein Olsen
X við Sambandsflokkin
