Vodafone kunnger í dag ársroknskapin fyri 2012. Yvirskotið av rakstrinum áðrenn skatt er 7,7 mió. kr. Tað er ein framgongd á 9,3 mió kr.
Yvirskotið eftir skatt er 6,3 mió. kr. Tað er ein framgongd á 7,6 mió. kr. samanborið við árið fyri.
Fleiri orsøkir eru til framgongdina í 2012. Kundatilgongd og økt nýtsla millum kundarnar hevur betrað søluna. Eisini hevur felagið gjørt nýggjar og betri avtalur við veitarar. Okkara starvsfólk hava gjørt eitt megnar arbeiði úrslitið er teimum at takka, sigur Gudny Langgard, stjóri á Vodafone.
Rakstrarískoytið (EBITDA) hjá Vodafone vaks úr 9,6 mió. kr. í 2011 upp í 17,7 mió. kr. í fjør. Hetta er ein vøkstur á 8,1 mió. kr.
Vodafone hevur seinasta árið gjørt innanhýsis tillagingar við nýggjum bygnaði, nýggjari leiðslu og øðrum broytingum, ið hava veri við til at menna raksturin og kappingarførið hjá fyritøkuni.
Á Vodafone hava vit havt fokus á starvsfólkatrivnað og starvsfólkamenning. Hetta er ein lykil til framgongd í fyritøkuni. Innovatión hevur
eisini merkt fyritøkuna í 2012, og tí stendur produktmenning og nýmenning av tænastum ovarlaga á dagsskránni, sigur Gudny Langgard.
Leiðslan roknar við einum nøktandi úrsliti í 2013, hóast gongdin í føroyska búskapinum framvegis er óstøðug.
