Landsstýrið ætlar at útvega Vørn eitt nýtt eftirlitsskip.
Í ólavsøkufrágreiðingini verður staðfest, at verandi skipið, Tjaldrið, hevur tænt Føroyum væl í nógv ár, men at tíðin nú er komin at fyrireika eina avloysara.
Nýggja skipið skal tryggja, at Vørn eisini framyvir hevur góðar møguleikar at røkja fiskiveiðieftirlit, bjargingaruppgávur og aðrar almennar uppgávur á sjónum.
Sambært landsstýrinum verður talan um eina stóra íløgu, sum skal tryggja føroyska tilbúgving í nógv ár framyvir.
Arbeiðið við at fyrireika útboðið verður sett í gongd, og ætlanin er, at nýggja skipið skal lúka framtíðar krøv til bæði trygd og umhvørvi.
