Í minsta lagi 157 børn eru deyð í einum útbroti av meslingum í Zimbabwe.
Tað skrivar tíðindastovan NTB, sum endurgevur AFP.
Sagt verður, at fleiri enn 2000 børn eru staðfest smittað í landinum síðan útbrotið byrjaði fyrr í hesum mánaðinum.
Sambært upplýsingarráðharranum í Zimbabwe, Monica Mutsvangwa, vóru tey deyðu børnini ikki koppsett.
Monica Mutsvangwa sigur, at meira ferð skal setast á koppsetingina, sum skal fíggjast úr almennum kreppugrunni.
Heilsumyndugleikarnir í Zimbabwe hava áður givið religiøsum bólkum skyldina fyri smittuspjaðingina, tí tey eru ímóti at lata seg koppseta.
