Í løtuni eru 20 kommunal grundstykkir tøk í Klaksvík.
- Øll hesi verða boðin út í dag, 3. november klokkan 12, og sølulistin verður at finna á heimasíðuni www.klaksvik.fo
Í Klaksvíkar kommunu vísa tey á, at níggju tøk grundstykkir eru Millum Hjalla, 10 á Fossum, og eitt grundstykki er tøkt Undir Klakki.
- Listin yvir tøk grundstykkir verður dagførdur á middegi fyrsta arbeiðsdag í hvørjum mánaði, siga tey í Klaksvíkar kommunu.
Og hetta er í dag.
Lagt verður aftrat, at áhugaðir keyparar kunnu velja eitt grundstykki, sum er tøkt og senda umsókn um at keypa tað.
- Hetta skal gerast umvegis frymil/ oyðublað inni á tí einstaka grundstykkinum á heimasíðuni.
Tað ber ikki til at søkja um grundstykki við at ringja ella senda teldupost til kommununa.
- Borgarar, sum ynskja at keypa kommunalt grundstykki, eiga at kunna seg um galdandi reglugerð á heimasíðuni hjá kommununi, siga tey í Klaksvíkar kommunu.
