Tað er nú greitt, at flogfarið hjá Atlantsflogi, sum var fyri óhappi á flogvøllinum í Billund í gjárkvøldið, hevur ikki fingið skaða.
Tað seinkaði flogferðsluna í gjárkvøldið, men øll ferðafólkini sluppu kortini heim við øðrum flogfari mitt í nátt.
Flogfarið er kannað og úrslitið er, at tað sleppur aftur á flog longu í kvøld, sigur Atlantsflog nú seinnapartin.
Tað var ímeðan flogfarið varð avgreitt á flogvøllinum í Billund, at ein trukkur bar við tað og tað fekk eina skøvu.
- Flogfarið er kannað sambært trygdarfyrskipanunum og góðkent til flúgving, sigur Marius Davidsen, fíggjarstjóri í dag.
Les eisini: Óhapp førdi til seinkingar hjá Atlantsflogi í kvøld
- Skøvan verður umvæld, tá ið flogafarið fer til vanligt eftirlit. Óhappið í Billund hevur ikki ávirkað flogferðsluna í dag, men vandi var sjálvsagt fyri, at skaðin var størri og tað hevði ávirkað flúgvingina hjá flogfelagnum.
|
