Sambært Mahmoud Bassal vórðu sjey fólk dripin í álopum á bústaðir, meðan eitt fólk doyði í flóttafólkaleguni Al-Shati vestan fyri býin.
Sama talsmaður upplýsir, at Al-Shifa-sjúkrahúsið í Gaza bý hevur skrásett 15 særd í álopunum. Higartil er ikki greitt, um nøkur av teimum eru í lívsvanda.
Álopini henda hóast vápnahvíld varð gjørd millum Ísrael og Hamas í oktober í fjør. Sambært AFP hava kortini verið dagligir harðskapshendingar og álop í Gazageiranum síðani tá.
Heilsumálaráðið í Gaza sigur, at minst 936 fólk eru deyð í ísraelskum álopum síðani vápnahvíldin kom í gildi. ST metir hesi tølini vera álítandi.
Bæði Hamas og Ísrael hava fleiri ferðir skuldsett hvønn annan fyri at bróta vápnahvíldaravtaluna.
Í síðstu viku boðaði ísraelski forsætisráðharrin, Benjamin Netanyahu, frá, at ísraelski herurin hevði fingið boð um at taka ræði á meira enn 70 prosentum av Gazageiranum.
Kelda: Ritzau/AFP.
