Tað endaði 1-1, tá ið B71 í øllum vindinum og regninum seinnapartin hevði vitjan av teimum næstbestu hjá KÍ.
B71 var eftir fyrra hálvleik frammanfyri 1-0. Málið skoraði Jónas Warner, tá ið ein stórur hálvur tími var farin.
Miðskeiðis í seinna hálvleiki svaraði KÍ aftur. Jóhan Waag Høgnesen átti uppleggið, og Óli Eyðsteinsson Poulsen javnaði til 1-1. Lítla løtu eftir at hann hevði javnað, varð Óli Ey. Poulsen skiftur út. Ivaleyst tí hann verður á listanum í morgin, tá ið besta KÍ liðið fer at spæla í Fuglafirði.
Báðir partar høvdu góðar støður og stórar málmøguleikar, men tað eydnaðist bara einaferð at fáa bóltin í málið aftanfyri Kristian Joensen í KÍ málinum og Jóhan Herálv Hentze í B71 málinum.
B71 hevur 37 stig og er á fjórða plássi. Víkingur og NSÍ hava eisini 37 stig. Málmunurin hjá Bíkingi er +16, hjá B71 +8 og hjá NSÍ -1.
KÍ hevur 30 stig og er á sjeynda plássi.
