Ein bilførari rendi í morgun á eitt seyðafylgi og tríggir seyðir lógu eftir á.
Tað sigur vakthavandi á løgreglustøðini í Havn.
Óhappið hendi í Oyndarfirði og varð fráboðað løgregluni klokkan 7.35.
- Hesin bilurin møtti einum øðrum bili, og bilførarin er helst vorðin blendaður. Og júst tá kom hetta fylgið út á vegin. Ein seyður doyði á staðnum, og tveir máttu avlívast, sigur vakthavandi á løgreglustøðini í Havn.
Hálka var ikki orsøkin til óhappið, sum ikki førdi til nakran persónsskaða. Bilurin hinvegin fekk nakað av skaða.
