Óli Mittún og liðfelagarnir í GOG hava nú vunnið tveir greiðar sigrar í Wenzel Nordic Cup.
Í kvøld vunnu Óli og liðfelagarnir 35-26 á H71, ið slapp at spæla sín fyrsta dyst í Wenzel Nordic Cup.
Í steðginum var GOG á odda 19-14. Í seinna hálvleiki megnaði H71 eitt skiftið at minka munin niður til 21-23 áðrenn GOG aftur dróg frá hoyvíkingum.
Boas Ellefsen á Skipagøtu vísti seg væl fram í kvøld, og var við 11 málum toppskjútti hjá H71.
Óli Mittún skoraði fimm mál fyri GOG. Toppskjútti hjá GOG var Manuel Zehnder við átta málum.
Hóskvøldið vann GOG 40-28 á Vali.
Klokkan 20 spæla THW Kiel og Valur dyst í høllini við Tjarnir. Portalurin stroymir dystin.
