Bjarni Djurholm, løgtingmaður, mælir til at broyta karmarnar hjá høvuðsvinnuni soleiðis, at fyritreytir verða skaptar fyri, at arbeiðsmegi og kapitalur flytir yvir í mest produktivu partarnar av høvuðsvinnuni.
Hetta sigur hann í tíðargrein í Sosialinum um vikuskiftið, sum eisini kann lesast á www.pressan.fo.
Hugsjónin hjá Bjarna Djurholm er, at fiskvinnan er búskaparliga, umhvørvisliga og lívfrøðiliga burðardygg, og at hon kastar virði av sær í fríari altjóða kapping.
Bjarni Djurholm var landsstýrismaður, tá karmarnir fyri alivinnuna vórðu broyttir fyri nøkrum árum síðani. Hann hugsar sær líknandi karmar kring fiskivinnuna.
Skulu vit koma týðandi fet fram vinnuliga og skapa samfelagnum størri intøkur, so má fiskivinnupolitikkurin dagførast ogskipanir gerast á økinum, sum geva vinnuni góðar og stabilar karmar. Hetta skal frekjast í samstarvi millum tað almenna og vinnuna, eins og gjørt varð fyri alivinnu, sigur Bjarni Djurholm millum annað í tíðargreinini, sum kann lesast á www.pressan.fo
