Í longri samrøðu við nýggja miðilin, The Atletic, fortelur hjálparvenjarin hjá Liverpool um tapið í Champions League finaluni í fjør. Liverpool tapti 3-1 fyri Real Madrid í Kiev, men pínan fór ikki vekk í skiftirúminum.
- Í Kiev var okkara skiftirúm sum ein sjúrkadeild. Ímynda tær at ein er farin á sjúkrahúsið, og er komin aftur og grætur (Mohamed Salah). Síðani hoyrir tú mótstøðuliðið fegnast í einum skiftirúmi, og dómararnar ballast í hinum skiftirúminum. Eg veit ikki hví, men teir sungu og ballaust við øl, fortelur Peter Krawietz.
Hjalparvenjarin hjá Jurgen Klopp leggur tó dent á, at tað er í slíkum støðum at eitt lið finnur styrki. Hann heldur fyri, at reaktiónin hjá spælarunum til tapið í Kiev vísti, at Liverpool kundi meir. Í ár vann Liverpool so Champions League.
