Danski Tjóðbankin hevur nú eisini boðað frá eini rentuhækking á 0,25 prosentstig.
Tað upplýsir bankin í einum tíðindaskrivi, sambært Ritzau.
Avgerðin kemur, eftir at Evropiski Miðbankin, ECB, fyrr í dag hækkaði leiðandi rentuna úr 2,25 upp í 2,50 prosent.
Rentuhækkingin hjá danska Tjóðbankanum var væntað. Danska krónan er knýtt at evruni, og tí plagar Tjóðbankin at fylgja rentubroytingunum hjá ECB.
Boðini frá Tjóðbankanum siga tó ikki í sjálvum sær, um ella nær føroysku bankarnir hækka rentuna á lánum og innlánum hjá sínum kundum.
Kelda: Ritzau
