Tað staðfestir Jørgen Niclasen, landsstýrismaður í Løgtinginum.
Bill Justinussen hevur reist málið í Løgtinginum, nú nú bæði samgonga og andstøðan eru farin at tosa um at lækka skattin á lág- og miðalinntøkunum.
Bill Justinussen staðfestir, at eftir skattalættarnar hjá samgonguni, eru støðan nú tann, at kommunurnar taka meiri skatt frá fólki enn landið ger.
Hann vísir á, at inntøkur undir 250.000 krónur um árið, rinda bara 20 prosent av øllum, landsskattinum.
Sostatt eru tað inntøkurnar yvir 250.000 um árið, sum rinda 80 prosent av tí, sum landið krevur ikki í skatti og býtir út aftur á fíggjarlógini.
Hinvegin taka kommunurnar rættiliga nógv í skatti frá teimum, sum forvinna minni enn 250.000 krónur um árið.
– Ein pensjónistur, sum bara hevur fólkapensjón og samhaldsfasta at liva av, rindar 9.300 krónur í kommunuskatti, men hann rindar bara 1.300 krónur í landsskatti.
Jørgen Niclasen sigur, at botnfrádrátturin hjá kommununum er 30.000 krónur um árið. Tað merkir, at tað eru tær fyrstu 30.000 krónur av lønini eru skattafríar.
Í landsskattinum eru tær fyristu 65.000 krónurnar skattafríar.
– Skulu tær hækka botnfrádráttin upp í 65.000 krónur um árið, sum hann er í landsskattinum, fer tað at kosta teimum 270 milliónir krónur, sigur Jørgen Niclasen.
Men afturfyri hevði tað givið 33.500 skattgjaldarar høvdu fingið ein skattalætta á 7.400 krónur í part um árið, sigur Jørgen Niclasen.
