- Hetta var ein sera stuttligur og hugnaligur dagur, sum byrjaði við morgunsangi í skúlanum.
Frank Müller, varaborgarstjóri í Kvívíkar kommunu, kom á vitjan og helt røðu fyri næmingum og lærarum.
Seinni var Vinarenning á skrá, har næmingarnir í grunddeild runnu í pørum runt um vøllin við einari bamsu í millum sín.
- Bamsan kom á vitjan saman við Jónasi Isaksen, okkara lokalu ítróttarfyrimynd, sum kom at handa heiðursmerki til røsku børnini.
Í Kvívíkar skúla siga tey, at spæliliðið eisini skipaði fyri spølum á vøllinum.
- Dagurin endaði við poppkorni, sunkist og dansi í Atrium, sum miðdeildin skipaði fyri, verður lagt aftrat.
##med2##
