Jacob Vestergaard, landsstýrismaður, hevur tilnevnt umboð í Fiskivinnuráðið fyri komandi fýra árini
Uppgávan hjá Fiskivinnuráðnum er at ráðgeva landsstýrismanninum í týðandi fiskivinnumálum og ummæla uppskot til lógir og kunngerðir, sum landsstýrismaðurin leggur fyri ráðið. Harumframt kann ráðið eisini av sínum eintingum taka fiskivinnumál til viðgerðar og lata landsstýrismanninum sítt ummæli.
Tey umboð, ið landsstýrismaðurin hevur tilnevnt fyri komandi fýra árini, eru:
Jóhannus M. Olsen umboð fyri Føroya Ráfiskaseljarafelag
Egon Joensen umboð fyri Føroya Ráfiskakeyparafelag
Viberg Sørensen umboð fyri Føroya Reiðarafelag
Eyðstein Djurhuus umboð fyri Føroya Skipara- og Navigatørfelag, Maskinmeistarafelag og Motorpassarafelag
Jan Højgaard umboð fyri Føroya Fiskimannafelag
Auðunn Konráðsson umboð fyri Meginfelag Útróðrarmanna
Hans Joensen umboð fyri feløgini hjá arbeiðsfólki á fiskavirkjum
Formaður í Fiskivinnuráðnum er Eyðbjørn Larsen og skrivari er Jens Helgi Toftum.
