Altjóða hondbóltsdómari føroyinga, Eyðun Samuelsen, hevur saman við íslendska makkara sínum, Ingvari Guðjónssyni, fingið tillutað enn eina altjóða uppgávu.
Teir skulu døma EHF-Cup dystin ímillum HT Melsungen úr Týsklandi og Balatonfuredi KSE úr Ungarn. Talan er um dyst í bólkaspælinum, sum verður nú leygardagin.
Dysturin verður spældur í Rothenbach-Halle, har pláss er fyri 4.300 áskoðarum.
