Miðskeiðis í hesi vikuni undirskrivaði Eysturkommuna sáttmála við Nomatek um veiting og uppseting av nýggjum vatnreinsiverki á Hagaleiti í Leirvík.
Útgerðin fevnir eitt nú um trý rustfrí sandfiltur og Uv-útgerð til sóttreinsing av vatninum.
Samlaði kapasiteturin er seksti rúmmetrar um tíman og kann útbyggjast til áttati rúmmetrar um tíman.
Eysturkommuna sigur, at goymslubrunnur varð settur upp í 2008 og er 1300 rúmmetrar stórur.
Húsið til reinsiverkið varð liðugt í summar.
Tað eru Martin E. Leo Sp/f, ráðgevandi verkfrøðingar, sum hava staðið fyri verkætlanini.
Á myndini eru Jóhan Christiansen, borgarstjóri og Ragnar Magnussen, stjóri á Nomatek.
