Grein úr Sosialinum 16. mai 2025:
Orsøkin til at Børge hevur keypt akkurát hendan bilin, er tann at hann hevur serliga góð minnir um júst hesar Ford Consul frá sínum ungdómsárum. Bæði hann sjálvur og onkur av hansara systkinabørnum høvdu slíkar bilar.
Eftir at hava leitað á netinum fann hann hendan Consul Coupe GT í Hollandi. Bilurin er upprunaliga komin úr Sveis. Børge keypti bilin í 2016 og fekk hann heim við Faroe Ship.
Bilurin var í hampiliga góðum standi, men hann hevur gjørt nakað við hann. Hann hevur t.d. skift skermarnar framman, sum vóru rustaðir. Eisini er bilurin lakkeraður av nýggjum. Bilurin hevur originalt venyltak við upprunalitinum.
Hesin hevur 2.6 litra 6-syl. motor við 126 hk og óorginalan manuellan 5 trins gearkassa.
Consul er eitt gamalt bilmerki hjá Ford. Teir fyrstu Ford Consul vórðu gjørdir frá 1951 til 1962. Consul varð basismodellið, meðan Ford Zephyr og Ford Zodiac vóru tær fín-aru útgávurnar.
10 ár seinni, í 1972, kom ein heilt nýggjur Ford Consul, sum avloysti táverandi Ford 17M og 20M. Hesin fekst eisini í luksus útgávuni Ford Granada. Í 1976 fall Consul navnið burtur, og navnið var bert Granada.
Ford Consul og Granada vóru vælkendir bilar í Føroyum. Teir vórðu nógv brúkt-ir sum hýru-vogn-ar, rut-u-bil-ar og sum politibilar. Teir vóru gjørdir sum sed-an, stat-ion-car og sum coupé. Granada vóru í 1985 avloystir av Ford Scor-pio.
Børge er limur í Føroya Ellisakførum, har hann hevur pláss í hølunum hjá felagnum undir Gráasteini, men har hevur hann ein gulan Ford Mustang Boss frá 1971. Consulin hevur hann tí-skil heima í garasjuni í Hoyvík.
Børge er útbúgvin bilmekanikari og lærdi hjá Eyðbjørn Hansen við Varðagøtu. Hann koyrir við bilinum til flaggdagskoyring og til onnur tiltøk hjá felagnum.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
Anker Jørgensen vildi ikki hava Mercedes
Anker Jørgensen við gamla ráðharrabilinum, sum hann hevði í 1976. Tá hesin varð skiftur út við annan bil, var hann sendur til ríkisumboðsmannin í Føroyum, sum vanliga arvaði forsætisráðharrabilin, tá hann varð skiftur út
Tá Anker Jørgensen, fyrrverandi forsætisráðharri í Danmark vitjaði í Føroyum 23. mai 2002, stóð fyri honum ein gamal Ford Granada 3.0 Ghia uttan fyri Norðurlanda-húsið. Hetta var ikki ein tilvildarligur bilur, men gamli ráðharrabilurin hjá honum.
Anker greiddi frá, at tá hann gjørdist forsætisráðharri í 1972, vísti skrivstovustjórin í forsætismálaráðnum honum ráðharrabilin, sum var ein Mercedes. »Men den ville jeg ikke have«, segði Anker.
Hann vildi við hesum demonstrera. Hann vildi ikki koyra í einum fínum Mercedes, tí tað gjørdi Adolf Hitler eisini, tá hann gjørdi innrás í Pólland og Eysturríki.
Endin av hesum var at tann ungi ráðharrin Svend Auken fekk Mercedes bilin, meðan Anker fekk ein Ford, ein ”menigmandsbil” sum hann sjálvur tók til.
##med21##
