Saman við dóttrini Elmu hava Eydna og Jógvan Edmund á Geilini frá Svínoy í eini 20 ár verið fastir gestir til buffetina á Hotel Føroyum. Í ár er versonurin Andras eisini við ?Buffetin er ótrúliga góð. Hon skuffar næstan ongantíð. Annars høvdu vit ikki komið aftur,? sigur Eydna.
?Ja,? sigur Jógvan Edmund ?her er so ótrúliga stórt úrval. Eg eri serliga spentur upp á alt sjógæti, ið tey borðreiða við so sum kalvi, hummari, øða, jákupsskeljar og ymiskt annað. Døgurða og kjøt fáa vit okkum sjáldan, tí tað fáa vit nokk av, tá vit eru bóndahjún úti í Svínoy,? sigur Jógvan Edmund.
?Eg eri serliga imponerað av dessertini, har tey millum annað borðreiða við stikkilsberum, sum eg ikki síggi nógva staðnis,? sigur Elma, ið saman við manninum Andras Ortind býr í Keypmannahavn.
