Fridrikka Clementsen og liðfelagarnir í ÍBV framdu eina veruliga sensasjón í bestu íslendsku fótbóltsdeildini ígjár.
ÍBV spældi dyst á útivølli í Kópavogi móti verandi meistarunum, Breiðablik.
Breiðablik hevði eina risastóra favorittstøðu undan dystinum, men tað var ÍBV sum vann 2-1 og tók stigini við sær til Heimey.
Ameriski áleyparin, Allison Lowrey legði ÍBV á odda í yvirtíðini í fyrra hálvleiki. Tá 84 minuttir vóru leiktir økti Fridrikka til 2-0.
Verandi meistararnir megnaðu at minka um munin, men komi ikki nærri einum javnleiki, og so kundu tær hjá ÍBV fegnast um ein rimmar sigur.
ÍBV er triðfremst í deildini við 27 stigum. Breiðablik er fremst við 36 stigum.
Komandi leygardag hevur ÍBV dyst á heimavølli móti Fram.
