Ein fyrrverandi guvernørur í statinum Guerrero í Meksiko er handtikin, eftir at 43 studentar í landinum hvurvu fyri árum síðan.
Tað vóru myndugleikarnir í landinum, sum stóðu aftanfyri handtøkuna í dag.
Sagt verður um fyrrverandi guvernørin, at hann hevur krógvað og manipulerað prógv í málinum um studentarnar, sum hvurvu í 2014.
Ríkisadvokaturin, Ernestina Godoy, upplýsir, at myrkaleggingin av málium var ein tilætlað handling, sum leiðslan í statinum Guerrero hevði ábyrgdina av.
Málið er ein ímynd av mutri í Meksiko, har lagnan hjá flestu av teimum 43 studentunum framvegis er ókend.
- Ljóðupptøkur vórðu tilætlað krógvaðar av teimum, sum sótu við valdinum í meksikanska statinum, sigur ríkisavvokaturin, Ernestina Godoy.
Hetta veit norska kringvarpið - NRK - at siga í kvøld.
