Tað sæst í leiðslufrágreiðingini hjá Sp/F Guðrun & Guðrun.
Sambært frágreiðingini hevði fyritøkan eina eginogn upp á góðar 4,3 milliónir krónur við árslok.
Leiðslan sigur, at 2025 í høvuðsheitum hevur gingið sum væntað bæði í mun til virksemisætlanir og fíggjarætlanir.
Eftir eitt størri strategiskt arbeiði í 2024 og fyrsta ársfjórðingi í 2025 er raksturin nú stabiliseraður, verður sagt.
Fyritøkan vísir eisini á, at nýggi nethandilin, sum varð settur á stovn beint fyri jól í 2024, hevur riggað væl. Í 2025 er nethandilin víðkaður við einum serstøkum netpalli til føroyskan marknað.
Samstundis verður øll marknaðarføring og umsiting í Føroyum skipað saman við føroyskum veitara.
Sambært frágreiðingini er framleiðslan í Jordan eisini ment enn meira fyri at tryggja eina støðuga veiting og betri góðskueftirlit.
Leiðslan metir, at úrslitið fyri 2025 er nøktandi.
##med2##
