Norski ríkisborgarin, sum nú er skuldsettur í málnum um horvnu norsku ríkmanskonuna, Anne-Elisabeth Hagen, er staddur í Istanbul í Turkalandi.
Sagt hevur áður verið, at persónurin ikki vil avhoyrast av norsku løgregluni, og sambært norsku rættarskipanini hevur hann rætt til ikki at úttala seg.
Verjin hjá manninum, Victoria Holmen, sum starvast hjá Elden Advokatfirma, sigur, at hon hevur verið í Istanbul og hitt hin skuldsetta.
- Eg havi verið í Istanbul og hitt mannin. Miðlaumrøðan av málinum, og tað, at hann er eyðmerktur á fleiri sosialum miðlum, ger, at málið er vorðið tyngjandi fyri hann og familju hansara.
Victoria Holmen sigur við norska Dagbladet, at hon nú hevur upplýst løgregluni um, at hin skuldsetti fegin vil avhoyrast - í vónini um, at málið skjótt verður avklárað, sum tikið verður til.
- Eg havi tí sett meg í samband við løgegluna og spurt, nær hin skuldsetti kann vænta, at ein avgerð fellur í málinum, so málið ikki verður hangandi yvir honum, sigur verjin.
##med2##
Maðurin, sum er norskur ríkisborgari í fimmtiárunum, hevur sambært verjanum sagt, at hann einki hevur við málið um horvnu ríkmanskvinnuna, Anne-Elisabeth Hagen, at gera.
Løgreglan hevur skuldsett mannin fyri dráp ella viðvirkan til dráp av Anne-Elisabert Hagen, sum sporleyst hvarv úr heimi sínum í Lørenskog hin 31. oktober í 2018.
Lesið eisini: Undir illgruna síðan 2024 -
https://www.in.fo/news-detail/hevur-verid-undir-illgruna-sidan-2024
