Helgi H. Hoydal gjørdist toppskjútti við fimm málum, og Kjartan Johansen skoraði fýra mál tá lið teirra, Viking Stavanger endurvann oddasessin í næstbestu norsku hondbóltsdeildini.
Hetta hendi tá Viking á heimavølli vann stórsigur 31-19 á Bodø. Longu í steðginum var Viking á odda 18-9.
Samstundis tapti kappingarneytin, Fjellhammer 21-22 móti Falk, og er Stavanger aftur oddalið í næstbestu norsku hondbóltsdeildini.
Tvey tey ovastu liðini flyta upp í bestu hondbóltsdeildina. Liðið sum endar á triðja plássi spælir uppflytingardystir móti triðaftasta liðnum í bestu hondbóltsdeildini.
Støðan:
| 1 | Viking Håndball | 16 dystir | 26 stig |
| 2 | Fjellhammer | 16 | 24 |
| 3 | Falk Horten | 16 | 20 |
| 4 | Nøtterøy Håndball | 16 | 19 |
| 5 | Sandefjord Håndball | 15 | 18 |
| 6 | Kristiansand Topphåndball | 15 | 17 |
| 7 | Viking TIF | 16 | 16 |
| 8 | Charlottenlund | 16 | 12 |
| 9 | Sandnes | 16 | 12 |
| 10 | Lillestrøm TH | 16 | 10 |
| 11 | LFH09 | 16 | 10 |
| 12 | Bodø HK | 16 | 6 |
