Íverksetarahúsið hevur nú fingið nýggjan stjóra eftir Rana Nolsøe, sum fór frá herfyri.
Nýggi stjórin er Bjartur Nolsøe og Hann tekur við starvinum 1. desember, upplýsir Regin W. Dalsgaard, formaður í Íverksetarahúsinum
Bjartur Nolsøe er úr Vági, hann er 46 ára gamal og hevur drúgvar leiðsluroyndir úr vinnulívinum í Grønlandi. Hann er bankalærdur og hevur HD í roknskapi, umframt aðrar hægri útbúgvingar. Hann hevur verið vinnukundaráðgevari í Føroyum í nógv ár og somuleiðis hevur hann verið økisstjóri hjá BankNordik í Grønlandi.
- Vit eru sera fegin um, at Bjartur tekur við sum stjóri í Íverksetarahúsinum. Hann hevur nógvar royndir, sum vit meta, kunnu gagna føroyskum íverksetarum, sigur Regin W. Dalsgaard.
