Í kvøld klokkan 19 leikar føroyska manslandsliðið fyrra HM-undankappingardystin av tveimum móti Bosnia Hersogovina. Dysturin verður leiktur á útivølli í Tuzla.
Leygarkvøldið klokkan 19 verður returdysturin leiktur í høllini við Tjarnir. Samlaði vinnarin vinnur seg til HM-endaspælið í Týsklandi í januar komandi ár.
KVF vísir dystin, og FM1 sigur beinleiðis frá dystinum.
Hóast Bosnia Hersogovina eru knáir á heimavølli. Í mars vunnu teir 34-21 á Kosovo, og í fjør vunnu teir 23-22 á Grikkalandi, so hava Føroyar eina nakað óvæntaða stóra favorittstøðu hjá altjóða veddingarfyritøkum, ið lata odds upp á dystin. Væntað verður tó, at Føroyar fara at hava eina greiða favorittstøðu í heimadystinum við Tjarnir.
Oddsini upp á heimasigur til Bosnia Hersogovina liggja millum 3,27 og 3,75.
Oddsini upp á javnleik liggja millum 8,50 og 10,00.
Oddsini upp á útisigur til Føroyar liggja millum 1,40 og 1,48.
HER eru oddsini:
##med2##
