Hundraðtals ukrainskar dronur vóru í dag verið sendar móti Moskva og økinum kring russiska høvuðsstaðin.
Andrej Vorobjov, guvernørur í Moskva-økinum, lýsir sambært AFP álopið sum »eitt av teimum størstu dronuálopunum í nýggjari tíð«.
Sambært guvernørinum eru seks fólk særd.
Borgarstjórin í Moskva, Sergej Sobjanin, sigur eisini frá áhaldandi dronuálopum móti høvuðsstaðnum í nátt.
Hann skrivar á russisku statsligu boðtænastuni Max, at russiska loftverjan hevur skrásett meira enn 600 dronur, sum vóru á veg móti Moskva.
Umleið 200 teirra eru sambært russisku upplýsingunum skotnar niður í Moskva-økinum.
Samstundis koma tíðindi um russisk rakettálop fleiri staðni í Ukraina.
Í minsta lagi trý fólk hava latið lív í russisku álopunum, skrivar AFP.
/Ritzau/
