Ársins málverjar í føroyskum hondbólti eru kosnir og tað er Kyndil, sum eigur teir bestu í ár.
Hjá kvinnum var Jovana Stranjanac kosin ársins málverji við 46 stigum. Henni á baki komu Viviann Petersen úr VÍF og Annika Fríðheim Petersen úr H71 við ávikavist 30 og 21 stigum.
Hjá monnum var tað ungi kyndilsmálverjin, Tórður Guttesen, ið fekk flestar atkvøður. Hann fekk 54 atkvøður. Nicholas Satchwell úr Neistanum fekk 52 stig og Joakim Jürs úr KÍF fekk 30 stig.
