Hagtøl
KÍ hevur altíð verið eitt tað størsta og fremsta felagið í Føroyum. Nógvir fínir spælarar eru uppvaksnir í Klaksvík, men tey seinastu árini hevur gongdin verið tann, at fleiri av bóltsnillingum úr Norðoyggjum fara úr barndómsfelagnum og royna eydnuna aðrastaðni. Í dag eru átta upprunaligir klaksvíkingar at síggja í ikki færri enn sjey (!) øðrum feløgum í fremstu deildunum í Føroyum, Danmark og Noregi. (í Føroyum)
Føroyum
HB Allan Mørkøre, Rógvi Jacobsen
B36 Heðin á Lakjuni
B68 Arnold Joensen
EB/Streymur Gunnar á Steig
Danmark
FCK Todi Jónsson
Herfølge Jákup Mikkelsen
Noreg
Sogndal Kurt Mørkøre
Saman við fyrrverandi KÍ-leikarunum, póllendingunum Andrzej Pacek (B36) og Marek Vierzbicki (VB) kundu klaksvíkingarnir í útlegd næstan mannað eitt heilt fótbóltslið, ið ivaleyst hevði verið eitt upplagt evni til meistaraheitið í 1.deild. Eingin av hesum nevndu monnunum gleðir tó býarmenn sínar á einum fótbóltsvølli í 2001.
Hinvegin hevur felagið ongan føroyskan spælara í hópinum, ið er uppvaksin aðrastaðni enn í Klaksvík. Allir teir tólv føroyingarinir, ið vóru við í dystinum ímóti GÍ sunnudagin, hava sínar røtur í KÍ. Hinir
tveir eru jugoslavarnir, leikandi venjarin Tomislav Sivic og tann nýkomni Aleksander Djordjevic, sum spældi við fyri fyrstu ferð. Eitt annað felag í 1.deild, sum ongan føroyskan leikara hevur aðrastaðni
frá, er FS Vágar. Vágamenn brúka tó tríggjar útlendingar á vøllinum, og ein afturat stendur fyri venjingini.
