Spenningur er til síðstu løtu undan óformliga ES-toppfundinum á Kýpros.
Kýpritiski ES-formansskapurin longdi í dag freistina fyri skrivligu mannagongdini, sum skal taka støðu til, um Ukraina endaliga fær 90 milliardir ES-lánið, sum landið fekk lovað á ES-toppfundinum í desember.
Skrivliga mannagongdin fevnir eisini um 20. revsipakkan móti Russlandi. Eins og ES-lánið hevur tað leingi verið sperrað av Ungarn.
Enn eru ongar upplýsingar um, nær freistin gongur út. Men tað verður væntandi skjótt.
Eftir fráboðanir úr Slovakia um, at olja streymar gjøgnum Druzhba-leiðina aftur, er framvegis vón um, at Ungarn og Slovakia sleppa sínum veto, soleiðis at báðar avgerðirnar kunnu fremjast í dag áðrenn óformliga ES-toppfundin á Kýpros.
Forsetin í Ukraina, Volodymyr Zelenskij, luttekur sjálvur.
##med2##
/Ritzau/
