Leygardagin seinnapart sigur FM1 frá tveimum dystum í Betrideildini hjá monnum.
Klokkan 16 verður sagt beinleiðis frá dystinum millum HB og NSÍ á ovara vølli í Gundadali. Klokkan 17 byrjar frásøgnin av dystinum millum Víking og KÍ.
Frásøgumenn verða Sjúrður H. Hoydal og Tróndur Arge. FM1 fer at halda eitt serliga gott eyga við dystinum millum EB/Streym og B36 í Hólmanum á Eiði, ið byrjar klokkan 16.30.
Samrøður koma út á in.fo tá dystirnir eru lidnir.
Øll kunnu lurta eftir dystarfrásagnunum á www.midlar.fo ella gjøgnum útvarpslurtið á frekvensunum FM 88,7; FM 91,7; FM 93,9; FM 95,5 og FM 98,7.
In.fo hevur beinleiðis tekstfrásøgn frá dystunum í Betrideildini hjá monnum.
