Í næstum verður ætlanin at víðka um barnagarðin í bygdini sett í verk.
Skipanin hevur higartil verið so, at bygdin hevur havt tveir dagstovnar tann verandi á Teitinum og hin í gamla skúlanum. Men hetta verður skjótt søga.
- Vit ynskja at savna alt hetta virksemið á einum og sama staði, sigur borgarstjórin, Brandur Sandoy.
- Á henda hátt verður tað eisini meiri rasjonelt.
Ætlanin er bæði at savna og at útbyggja dagstovnin á Teiginum eystureftir, einar 220 fermetrar.
Um ein mánað ella so er ætlanin at taka støðu til innkomin tilboð at gera hesa uppíbyggingina.
(savnsmynd av Sandi)
