Fakfeløgini, ið umboða starvsfólkið í Uttanríkisráðnum, ótolnast nú og heita á løgmann um at fáa skil á spentu støðuni í ráðnum.
Tey hava sent soljóðandi skriv til Kaj Leo Johanesen:
Áheitan til løgmann
Fakfeløgini heita á løgmann um at loysa spentu støðuna í Uttanríkisráðnum
Løgmaður viðgerð í løtuni eitt kæruskriv um arbeiðsumstøðurnar í Uttanríkisráðnum frá deildarstjórum og umboðum fyri starvsfólkahópin. Vísandi til truplu umstøðurnar hjá starvsfólkunum, sum eru lýstar í kæruni til løgmann, veita Búskapar- og løgfrøðingafelag Føroya, Starvsmannafelagið og Akademikarafelag Føroya hervið sín fulla stuðul til limir sínar í Uttanríkisráðnum.
Feløgini heita á løgmann um at taka neyðug stig til eina skjóta og virðiliga loysn fyri starvsfólkini í Uttanríkisráðnum.
Búskapar- og løgfrøðingafelag Føroya
Starvsmannafelagið
Akademikarafelag Føroya
