Hann verður framsettur í grundlógaravhoyring í morgin.
Tað var ein 17 ára gamal drongur, sum er handtikin fyri at hava dripið tveir ungar menn í Taastrup í Danmark í gjárkvøldið. Tað upplýsir løgreglan.
Tann ungi, sum meldaði seg til løgregluna, verður framsettur í rættinum í Glostrup í morgin. Har skal avgerast, um grundarlag er fyri varðhaldsfongsling.
Tað var stutt fyri klokkan 23 í gjárkvøldið, at Københavns Vestegns Politi fekk fráboðan um ræðuligu drápini á Skebjerg Allé í Taastrup.
Tríggir persónar fóru raktir av knívstungu. Ein 17 ára gamla drongur og ein 18 ára gamal doyðu. Annar doyði á staðnum, meðan hin doyði á sjúkrahúsinum. Báðir eru úr Taastrup. Tann triði, sum var úr Albertslund, kom frá hendingini við lívinum.
Morðini fóru fram nærindis handilshúsinum City2.
Løgreglan upplýsir í tíðindaskriv, at tann 17 ára gamli verður skuldsettur fyri dráp, men sigur ikki nærri, hvønn leiklut hann skal hava havt.
Í royndini at greiða gongdini vónar Peter Malmose, varapolitiinspektørur, framhaldandi, at fáa upplýsingar frá møguligum vitnum, sum vóru í økinum seint í gjárkvøldið, ella frá øðrum, sum hava vitan um málið.
– Sjálvt um vit nú hava handtikið ein persón í málinum, heldur kanningararbeiðið fram, og vit vilja í tí sambandi framvegis heita á almenningin um hjálp, sigur hann í tíðindaskrivinum.
Á rættarfundinum við tí handtikna í morgin fer ákærin at biða um afturlætnar hurðar við atlitið til uppkláringararbeiðiði hjá løgregluni.
Illgruni er um, at fleiri illgerðarmenn vóru. Teir og tey trý offurini kendust.
Fyrr í dag hevur varapolitiinspektørurin sagt, at løgreglan hevur fleiri orsøkir til at halda, at City2 er viðkomandi í kanningararbeiðinum.
/ritzau/
Lesið eisini: Løgreglan: Fleiri hava verið við til drápini
##med2##
